Қазақстан көшесінде "Самұрық" пайда болды

Өскеменде "Самұрық" бейнеленген жаңа гүл композициясы —орнатылды. Композицияны Қазақстан және Пермитин көшелерінің қиылысындағы жол жиегінен көруге болады.

"Таза Өскемен" коммуналдық қызмет өкілдерінің айтуынша, қазіргі таңда басты назар — қала аумағында көшет отырғызу мен гүлзарларға күтім жасауға аударылып отыр.

"Жұмыс ауа-райын ескере отырып, үзіліссіз жүріп жатыр. Өсімдіктер бейімделіп жатыр, ал алдағы апталарда олар тамыр жайып, қала тұрғындарын көркем гүлденуімен қуантатын болады", — деді мекеме өкілдері.