Риддерде 5 айда бес жүзге жуық жұмыс орны ашылды

Риддер әкімінің орынбасары Болат Акужанов қаланың 2025 жылдың 5 айындағы әлеуметтік-экономикалық даму көрсеткіштері туралы баяндады, деп хабарлайды Bizdiң Өskemen.

Оның айтуынша, Риддер қаласында негізгі капиталға салынған инвестициялардың жалпы көлемі 30,5 млрд теңгені, жеке инвестициялар 20,5 млн теңгені немесе инвестициялардың жалпы көлемінің 67,3%-ын құрайды. 

Кәсіпкерлік бойынша:  

Риддер қаласында жұмыс істеп тұрған шағын және орта кәсіпкерлік субъектілерінің саны 3278 бірлікті құрайды. Көрсеткіштің төмендеуінің басты себебі – халықты жалпыға бірдей декларациялау, сондай-ақ қала құраушы кәсіпорынның тапсырыстарының қысқаруы. 

Жұмыспен қамту және әлеуметтік қорғау:

Риддерде 2025 жылғы 1 мамырдағы жағдай бойынша тіркелген жұмыссыздар саны 659 адамды құрады. 904 өтініш берушінің ішінен жұмысқа орналасқандар саны – 435. Өтініш берушілердің жалпы санынан жұмысқа орналасу деңгейі 48%. Сонымен қатар жұмыс берушілерде 308 ашық бос жұмыс орны бар. 

– Есепті кезеңде 487 жаңа жұмыс орны құрылды. Тұрақты жұмыс орындарының саны 279, уақытша – 208. Ағымдағы жылдың басынан бастап 19 әлеуметтік жұмыс орны ұйымдастырылды, қоғамдық жұмыстарға қатысу үшін 146 жұмыссыз тартылды, жастар практикасынан өтуге 8 адам жіберілді, – деді спикер.