Өскеменде жол жөндеу жұмыстары жалғасуда

Өскемен қаласының әкімі Алмат Ақышов қала жолдарын жөндеуге жауапты мердігер ұйымдардың өкілдерімен жұмыс кездесуін өткізді, деп хабарлайды Bizdiң Өskemen тілшісі. 

Қала басшысы атқарылып жатқан жұмыстардың сапасына қатаң бақылау орнату, бекітілген мерзімдерді бұлжытпай орындау және тұрғындардан келіп түсетін шағымдарға жедел әрекет ету жөнінде нақты тапсырмалар берді. 

– Әрбір мердігер ұйым мынаны нақты түсінуі керек: жұмыстар тек тиісті стандарттарға толық сәйкес келген жағдайда ғана қабылданады. Жөндеу мерзімдерінің орындалуын өзім жеке бақылауда ұстаймын, – деді Алмат Ақышов. 

Сонымен қатар, қазіргі таңда қалада шұңқырларды жамау жұмыстары жүргізілуде. Жоспарланған 145 учаскенің 1352 шаршы метрі жөнделді. Орташа жөндеу жұмыстары жалпы ұзындығы 17 шақырымды құрайтын 18 жол учаскесінде жүргізіледі.

Жөндеуден өтетін көшелер тізімі тұрғындардың өтініштері мен кездесулер нәтижесінде кезең-кезеңімен кеңейтілетін болады.