Өскеменде ипподром салынады

сурет ашық дереккөзден алынды

Өскемен іргесіндегі Шығыс кентінің маңында ипподром салынады, деп хабарлайды Bizdiң Өskemen.

Құрылыс жұмыстары биыл басталады, жыл көлемінде аяқталуға тиіс. Бұл жобаға 1 млрд 455 млн теңге жұмсалады.

– Қалада бұрын ипподром болғанын білесіздер, қазір жоқ. Дегенмен республика бойынша да, өз өңірімізде де ұлттық спорт дамып келеді. Сондықтан осы сала жанашырларының бастамасымен облыс әкімінің тапсырмасы бойынша ипподром құрылысын бастаймыз. Бір жыл ішінде нысан халық игілігіне берілуі тиіс, – деді Өскемен әкімі Алмат Ақышов.