Өскеменнен Үржарға ұшатын ұшақтың бағасы қанша?

Осы жазда Алакөл жағалауында демалғысы келетін өскемендіктер Үржарға ұшақпен жетуге мүмкіндік алды.

17 маусым мен 28 тамыз аралығында "Оңтүстік аспаны" әуе компаниясы Өскемен-Үржар бағыты бойынша коммерциялық рейстерді жүзеге асыратын болады.

Өскеменнен ұшу уақыты - сағат 09: 00. Үржарға 10:00-де жетеді.

Үржардан ұшу-10:40-та, Өскемен әуежайына келуі-11:40-та.

Компанияның сайтында бір бағыттағы билеттің құны 21 500 теңгеден басталатыны көрсетілген.