ШҚО-да Қанипа Бітібаева және Асқар Ислямов атындағы республикалық қос байқау өтеді

ЖАҢАЛЫҚТАР 5-12-2024, 15:09 0

Cурет: egemen.kz

ШҚО-да техникалық және кәсіптік білім беру ұйымдарының студенттері арасында қазақ тілі мен әдебиеті пәнінен Қанипа Бітібаева атындағы III Республикалық олимпиада және колледж педагогтері арасында Асқар Ислямов атындағы «Үздік педагогикалық эссе» II Республикалық байқауы ұйымдастырылады, деп хабарлайды Bizdiң Өskemen тілшісі.
Қос бірдей байқаудың ашылуы 11 желтоқсан күні Шығыс Қазақстан облыстық драма және оперетта театрында өтеді.
Мақсаты – талантты және шығармашылық педагогтерді анықтау, педагог мамандығының беделін арттыру, дарынды білім алушыларды анықтау, қазақ тілі мен әдебиеті пәндері бойынша білімдерін жетілдіру, ұлттық құндылықтарды дәріптеу.
Айта кету керек, дәуірдің дара ұстазы, КСРО халық ағарту ісінің үздігі, Қазақстан Республикасының еңбек сіңірген мұғалімі Қ.Бітібаева атындағы республикалық олимпиада және КСРО халық ағарту ісінің үздігі, Қазақстан Республикасының еңбек сіңірген мұғалімі Асқар Ислямов атындағы оқытушылар арасында «Үздік педагогикалық эссе» республикалық байқауы жыл сайын дәстүрлі түрде ұйымдастырылып келеді

- 11 желтоқсан күні І және ІІ кезеңдері Абай атындағы Шығыс Қазақстан гуманитарлық колледжінде өтеді. Білім сынына Астана, Алматы қалаларынан, Жамбыл, Ақтөбе, Қызылорда, Түркістан, Павлодар, Қарағанды, Ақмола, Алматы, Абай, Шығыс Қазақстан облыстарынан техникалық және кәсіптік білім беру ұйымдарының педагогтері мен студенттері қатысады. Байқау мен олимпиада жүлдегерлері Қазақстан Республикасы Оқу-ағарту министрлігінің дипломдарымен марапатталады, - делінген ақпаратта.

Қосымша ақпараттар алу үшін 87055235043 байланыс телефонына хабарласуға болады.