Өскеменде жаяу жүргіншіні көлік қағып кетті

Жол-көлік оқиғасы бүгін таңертең Бажов пен Стахановская көшелерінің қиылысында болды. 

– Chevrolet Cruze маркалы көлігінің жүргізушісі реттелмейтін жаяу жүргіншілер өткелінен өтіп бара жатқан жүргіншіні қағып кетті, - дейді ШҚО полиция басқармасының баспасөз қызметіндегілер.   

Куәгерлердің сөзінше, бойжеткен жарақат алған. Денсаулыққа келтірілген зиянның ауырлық дәрежесі мен сипатын анықтау мақсатында сот-медициналық сараптама тағайындалды.