Өскеменде сирена қосылады

21 қараша күні сағат 11:00-де "Қыс-2024" Республикалық командалық-штабтық оқу-жаттығуы шеңберінде Шығыс Қазақстанда электрсиреналар, сиреналық-сөйлеу құрылғылары іске қосылады. 

– Электрсиреналарды іске қосу "Баршаның назарына!" деген белгіні білдіреді. Барлық ересек адамдар балаларға сиреналардың дыбысы "Баршаның назарына" сигналы екенін түсіндіруі керек. Оны естігенде қорқудың қажеті жоқ. ТЖД құлақтандыру жүйесінің жаттығуларына түсіністікпен қарауды сұрайды, - делінген Шығыс Қазақстан облысының Төтенше жағдайлар департаментінің хабарламасында.