11 миллиард теңге 10-шы желтоқсанға дейін игерілуі керек. Қай аудандар?

ШҚО әкімінің бірінші орынбасары Нұрымбет Сақтағанов Риддер қаласы, Катонқарағай, Үлкен Нарын, Марқакөл аудандарындағы құрылыс саласын дамытуға Үкімет резервінен бөлінген қаражат есебінінің қалдығы шамамен 11 миллиард теңгені 10-шы желтоқсанға дейін игеруді тапсырды.

Бұл туралы деп  Altainews.kz сайты жазды.

Марқакөл мен Катонқарағай аудандарын дамытуға Үкімет резервінен 1,3 миллиард теңге бөлінді.

Облыстық әкімдікте өткен жиналыста  қаржы басқармасының басшысы Светлана Большакова осылай деді. 

- Үкіметтен бөлінген қаражаттың 650 миллион теңгесі екі аудандағы әкімшілік ғимараттарды күрделі жөндеу жұмыстарына, 553,4 миллион теңге медициналық пункттер салуға, 134,9 миллион теңге - АПВ вакцинасы бойынша, 526,1 миллион теңге кредиттер, мамандарды әлеуметтік қолдау шараларын іске асыруға жұмсалуда, - деді Светлана Большакова