ШҚО-да қайық аударылып екі адам суға батып кетті

Бұқтырма су қоймасында, Торанғы шығанағында 1993 және 1986 жылы туылған екі ер адам балық аулау  кезінде қайықпен аударылып суға батып кетті. 

– Шығыс Қазақстан облысының Төтенше жағдайлар департаментінің құтқарушылары іздеу жұмыстарын жүргізу кезінде екі ер адамның денесі табылып, судан шығарылды. Олардың үстінде құтқару кеудешесі болған жоқ, - делінген хабарламада.   

Шығыс Қазақстан облысының Төтенше жағдайлар департаментінің балық аулау кезінде қауіпсіздік ережерлерін сақтауды қайыққа отырған кезде міндетті түрде құтқару кеудешесін киюді ескертеді.

Төтенше жағдайлар кезінде «112» арнасына қоңырау шалыңыздар.