ШҚО-да жүк көлігі жарылып, екі адам қаза тапты

Өскемен-Самар тасжолының 75-ші шақырымында VOLVO маркалы жүк көлігінің қатысуымен қайғылы оқиға орын алды. 

Шығыс Қазақстан облысы Самар ауданында тау-кен жұмыстарын жүргізу үшін жүк көлігімен тасымалданатын заттың жарылуы салдарынан көлік жүргізушісі мен жолаушысы оқиға орнында көз жұмды. 

– Аталған факті бойынша қылмыстық іс қозғалды. Қазіргі уақытта жағдайдың мән-жайын анықтау үшін барлық қажетті тергеу амалдарыжүргізіліп жатыр. Тергеуді Шығыс Қазақстан облысы Полиция департаментінің басшылығы бақылауға алды, - Шығыс Қазақстан облысы полиция департаментінің өкілдері.