Ұлан ауданында «Бір қабатты Шығыс» жобасы қарқынды іске асырылуда

«Ауыл – Ел бесігі» бағдарламасы аясында Тарғын және Мамай батыр ауылдарының 2,5 шақырым жолдарына 133,2 млн теңге бөлініп, орташа жөндеу жүргізілді. Барлығы 48,3 шақырым жол жөнделіп, оның 18 шақырымы республикалық, 15 шақырымы облыстық, 15,3 шақырымы көше жолдары болып табылады. 

Ұлан ауданында «Бір қабатты Шығыс» жобасы қарқынды іске асырылуда. Герасимовка ауылында 44 екіпәтерлі тұрғын үй (88 пәтер) салынуда. Жобаның жалпы құны – 1,6 млрд теңге. Оның ішінде көпбалалы отбасыларға арналған 34 пәтерге 690,2 млн теңге, әлеуметтік осал топтарға арналған 54 пәтерге 897,4 млн теңге қарастырылған.