Еңбек және халықты әлеуметтік қорғау вице-министрі тағайындалды

23 тамыз күні Асқар Биахметов еңбек және халықты әлеуметтік қорғау вице-министрі болып тағайындалды.

– Үкіметінің қаулысымен Асқар Сақтағанұлы Биахметов еңбек және халықты әлеуметтік қорғау вице-министрі қызметіне тағайындалды, - делінген баспасөз қызметі хабарламасында.

Асқар Биахметов 1975 жылы 5 қазанда Ақтөбе облысында дүниеге келген. Қазақ мемлекеттік басқару академиясын "Қаржы және несие" мамандығы бойынша, Қазақ мемлекеттік заң университетін – "Құқықтану" мамандығы бойынша, президент жанындағы Мемлекеттік басқару академиясы Ұлттық мемлекеттік саясат мектебініңмагистратурасын "Саясаттану" мамандығы бойынша және Дьюк университетін бітірген.

1993-2004 жылдары облыстық қаржы басқармасында, "Профилакторий" ӨК, Салық комитетінде, қалалық әкімдікте, сондай-ақ Ақтөбе облысының қазынашылық және қаржы басқармаларында басшылық лауазымдарда жұмыс істеді. 

2004-2009 жылдары – Ақмола облысы бойынша Қазынашылық департаментінің бастығы. 

2009-2014 жылдары – Конституциялық Кеңесінің бөлім меңгерушісі. 

2014-2015 жылдары – Ұлттық экономика министрлігінің Мемлекеттік басқару жүйесін дамыту департаментінің директоры. 

2015-2018 жылдары – Ақтөбе облысы әкімінің орынбасары. 

2019-2020 жылдары – премьер-министрдің бірінші орынбасарының кеңесшісі. 

2020-2023 жылдары – премьер-министрі Кеңсесі басшысының орынбасары.

2023 жылдың ақпаннан бастап қазіргі уақытқа дейін – үкімет аппараты басшысының орынбасары.