Мектеп оқушыларына жазда жұмыс істеуге бола ма? Заң не дейді?

Оқу жылының соңында ата-аналар “балам жазғы демалысын қалай өткізсе болады?” деген сұрақпен бас қатырады.

Көптеген жасөспірімдер жұмыс жасау үшін  ата-аналарынан рұқсат сұрап, кейбірі тіпті талап етіп жатады.

Ал, Заңнамада 14-16 жастағы балалар аптасына 24 сағаттан, ал 16-18 жастағылар аптасына 36 сағатқа дейін жұмыс істей алады деп белгіленген.

Кәмелеттік жасқа толмағандарға заң жүзінде атом электр станциялары, коксхимия өндiрiсі, цемент өндiрiсi, электр энергетикасы салаларында және сүңгуір, газшы, жанар-жағармай құюшы, құтқарушы болып жұмыс істеуге болмайды.

Сонымен қатар, Ұлттық жоба шеңберінде 16-18 жастағы балаларға мемлекет тарапынан да мүмкіндіктер қаралған.

Бірақ, шамадан тыс артық еңбек, кешкі ауысым, зиянды немесе қауіпті жерлерде жұмыс жасауға тыйым салынған және балалар үшін қауіпті екенін де естен шығармайық!