Зайсандағы 8 ауылдың қашан газбен қамтылатыны белгісіз

Зайсан ауданының 8 ауылына газ құбырлары қашан тартылатыны әлі белгісіз, деп хабарлайды Bizdiң Өskemen.

  Зайсанда 9 ауыл елді мекені газбен қамтамасыз етілген. Бұл ауданның жалпы халқының 78%-ын құрайды. 

Қалған ауылдарына газ құбырлары әлі орнатылған жоқ. 

Жобалау-сметалық құжаттамаға түзетулер енгізіп, сараптаманың оң қорытындысын күтіп отыр. Одан кейін, Энергетика министрлігіне қаржыландыру үшін өтінім беріледі. 

«Зайсан ауданының 8 ауылына газ құбырын салу жобасы бар. Бірақ, жобаға қаражат әлі бөлінген жоқ. Сондықтан, газбен қамтамасыз ету бойынша жұмыстар қашан басталатыны нақты белгісіз.»,-деді аудан әкімі Аэлита Ахметсалимқызы.

Әкімдік өз кезегінде Энергетика министрлігімен бірлесіп, жер қойнауын пайдаланушының міндеттемелеріне Сарыбұлақ кен орнын жете барлауды енгізу мәселесін пысықтап жатыр.