Өскемендегі автобустарға камера орнатылып жатыр

Облыс орталығындағы қоғамдық көліктерге бейнебақылау камералары орнатылады, деп хабарлайды Bizdiң Өskemen. 

Бейнекамералар полиция департаментінің жедел басқару орталығының жүйесіне қосылады. Облыс әкімі Нұрымбет Сақтағанов «ONAY» халыққа қызмет көрсету орталығы ашылған кезде осылай деп тапсырма берген.

«Камераларды жедел басқару орталығының жүйесіне қосу құқық қорғау органдарына жедел ақпарат беруге, бұзақылық және басқа да заңға қайшы әрекеттерге тез назар аударып, қоғамдық көліктегі адамдардың қауіпсіздігін қамтамасыз етуге мүмкіндік береді», - деді облыс әкімі.

Кейбір жаңа автобустарға камера орнатылып та қойды.