Өскеменнің «Берелі» өз алаңында чемпион бола алмады

Өскеменде волейболдан ел чемпионаты мәреге жетті. Ұлттық лигадағы әйелдер командалары арасындағы дода тартысқа толы болды. Бірақ жергілікті жанкүйерлер күткен нәтижесін көре алмады, деп хабарлайды Bizdiң Өskemen.

Талдықорғанның «Жетісу» командасы мен жарыс қожасы – «Берел» өзгелерден оза шығып, ақтық кезеңде чемпиондық атақты сарапқа салған. Алғашқы ойында-ақ ширақтық танытқан талдықорғандықтар алаң иелеріне дес бермеді. Шешуші матчта «Жетісу» 3:1 есебімен «Берелден» басым түсіп, бес жылдық үзілістен кейін чемпиондық атағын қайтарып алды.

Ал «Берел» екінші жыл қатарынан күміс жүлдені қанағат тұтып отыр. Түркістанның «Тұранын» тізе бүктірген Солтүстіктің «Қуанышы» қолаға қол созды.

Турнирдің ең үздік ойыншысы (MVP) – Карина Денисова («Жетісу»)

Үздік пас беруші – Дарья Шаргородская («Жетісу»)

Үздік шабуылшылар – Кристина Белова («Берел»), Жанна Сыроешкина («Қуаныш»)

Үздік блок қоюшылар – Ирина Малькова («Берел»), Полина Уфимцева («Қуаныш»)

Үздік диагональ ойыншысы – Татьяна Яцкив («Берел»)

Үздік либеро – Мәдина Бекет («Жетісу»)