ШҚО-да жоғалған әйел бір күннен кейін орманнан табылды

Бүгін ТЖМ құтқарушылары 1 маусым күні Риддер қаласынан 30 шақырым қашықтықтағы таулы аумақтағы орман алқабында адасып кеткен 1954 жылы туған әйелді тапты, деп хабарлайды Bizdiң Өskemen.

Әйел шөп жинау үшін орманға кетіп, үйіне оралмаған. Тәулік бойы онымен байланыс орнату мүмкін болмаған. Іздестіру аумағы жетуі қиын, таулы, қалың орманды алқап болған.

– Жоғалу туралы ақпарат келіп түскеннен кейін бірден ауқымды іздестіру-құтқару операциясы басталды. Аумақты әуеден тексеру үшін ТЖМ «Қазавиақұтқару» АҚ тікұшағы тартылды. Сондай-ақ, жерасты құтқару топтары жұмылдырылды, – деп хабарлады ШҚО Төтенше жағдайлар департаменті.

Әуеден бақылау барысында жоғалған адам орман алқабының арасындағы ашық аумақтан табылған. Құтқарушылар оны жедел жәрдем бригадасына тапсырған.