Ұлан ауданы ШҚО-дағы туристік аймаққа айналып келеді

Биыл Ұлан ауданына 20 мыңнан астам турист келіпті. Бұл көрсеткіш былтырғы  жылмен салыстырғанда айтарлықтай жоғары. Бұл туралы Ұлан ауданы әкімінің орынбасары Қуат Оқасов ШҚО Өңірлік коммуникациялар қызметінің алаңында мәлімдеді.

- Туристік ағынның артуы инфрақұрылымның жақсаруымен және ерекше іс-шаралардың өткізілуімен байланысты. Солардың бірі – Қызылтас тауына шығу фестивалі «AltaiFest», оған 600-ден астам қатысушыны жиналды, - деп атап өтті Қуат Оқасов.

Ауданға келген қонақтар үшін өңірдің тарихы мен мәдениеті жайлы танысуға мүмкіндік беретін арнайы бағыттар жасалған:

- «Қызылтас - Қарасай» – ежелгі бекіністер мен петроглифтер;
- «Ақбауыр - Қоржынбай» – археологиялық кешен мен жұлдыз обсерваториясы;
- «Тоғанас - Аблайкит» – көлдер, шатқалдар және тарихи Аблайкит монастырі.