Бұқтырма өзеніндегі су деңгейі төмендеді

25 қараша күні Алтай ауданы Лесная Пристань ауылында мұз кептелген. Соның салдарынан Бұқтырма өзенінде су деңгейі 430 см-ге дейін көтерілді. Судың шекті деңгейі – 530 см. Соңғы тәулікте су деңгейінің төмендеуі байқалды.  

– Таулардағы температура нөлден төмен деңгейде сақталатындықтан қосымша су ағыны күтілмеді. Расыменде сағат 22.00-де су деңгейі төмендей бастады. 26 қараша күні таңертеңгі жағдай бойынша Бұқтырма өзеніндегі су деңгейі 381 см құрады, - деп хабарлады Алтай ауданы әкімдігінен.