Жастар графитилерді өшіріп жүр

ШҚО-да «Есірткіге жол жоқ!» акциясы жалғасуда

«Жастар рухы» жастар қанатының ШҚО филиалының қолдауымен облыста «Есірткіге жол жоқ!» акциясы өтті.

Акция аясында «Өскемен жоғары политехникалық колледжі» КМҚК студенттері, «Сөйле» тілдесу клубының тренері Шабданбекова Анжелика, ШҚО ПД Есірткі қылмысына қарсы іс-қимыл басқармасы өкілдері есірткі құралдарын сатып алу арналарының жарнамасы бар графитилерді өшіріп, ақпараттық парақшаларды ілді.

Іс-шараның мақсаты - балалар, жасөспірімдер мен жастар арасында нашақорлықтың алдын алу және есірткіге қарсы иммунитетті тәрбиелеу, салауатты өмір салтын насихаттау және темекіден, алкогольден және психотроптық заттардан бас тартуға шақыру.