Өскеменде «Әже» атты монумент-ескерткіш пайда болады 

Қазақстанда жоқ ерекше ескерткіш Өскемен қаласында тұрғызылады. Бұл ақпарат облыстық “Әжелер алқасы” форумында белгілі болды. 

Отбасы күні қарсаңында Өскемен қаласында ақ самайлы әжелердің қатысуымен облыстық форум өтті. Өңірде ардагерлер алқасының жанынан «Әжелер алқасы»кеңесі құрылғанын да айта кетейік.

“Ақсақалды аталарымыз– әр шаңырақтың тірегі, ал әжелеріміз – әр үйдің ошақ қасы, отбасы тыныштығы мен тәрбиесінің діңгегі. Сол үшін, барша аналар мен әжелеріміздің құрметіне  “Әже” монументалды ескерткішін орнатуды көздеп отырмыз, – деді аймақ басшысы Ермек Көшербаев.