Ұланда атқарылған шаруалар аз емес

Ұлан ауданының әлеуметтік саласын дамытуда 2023-2024 жылдары ауқымды жұмыстар атқарылуда. Білім беру, денсаулық сақтау, мәдениет, жол инфрақұрылымы және тұрғын үй құрылысы бағыттарында жүзеге асырылған жобалар аудандағы тұрғындардың өмір сүру сапасын жақсартуға бағытталған. 

2023 жылы ауданда үш білім беру нысанына жөндеу жұмыстары жүргізілді. «Болашақ» лагеріне, Восточное және Айыртау ауылдарындағы мектептерге 80,9 млн теңге көлемінде қаражат бөлінді. Сонымен қатар, Бозанбай ауылындағы орта мектепте кезең-кезеңімен жүргізілген күрделі жөндеу жұмыстары аяқталды. Жалпы жоба құны 271,4 млн теңгені құрады, оның ішінде 2023 жылы 68,7 млн теңге, 2024 жылы 202,7 млн теңге облыстық бюджеттен бөлінді.