Президент қазақ жылқысының тұқымын сақтау туралы түзетулерге қол қойды


ЖАҢАЛЫҚТАР 10-07-2024, 15:45 0

Мемлекет басшысы Қасым-Жомарт Кемелұлы Тоқаев «Қазақстан Республикасының кейбір заңнамалық актілеріне қазақы спорттық жылқы тұқымын сақтау және өсімін молайту мәселелері бойынша өзгерістер мен толықтырулар енгізу туралы» заңға қол қойды. Құжаттың негізгі мақсаты – мемлекеттік қолдау көрсету арқылы қазақтың спорттық жылқыларының тұқымын қалпына келтіру және олардың асыл тұқымдық қасиеттерін жақсарту.

Мәжіліс депутаты Айдарбек Қожаназарұлы хабарлағандай, бүгінде ресми тіркелген қостанайлық тұқымды жылқылардың саны 270 бас, ал адайлық тұқымды жылқылардың саны 330 басты құрайды. Олардың санының күрт азаюы ұлттық ат спортының дамуын шектейтін негізгі факторлардың бірі болып табылады.

Қазір тек жылқы шаруашылығының өнім беретін тұсына мемлекеттік қолдау көрсетілуде. Ал заңның қабылдануы шетелдік селекциядағы асыл тұқымды айғырларды сатып алу шығындарын субсидиялауға мүмкіндік береді. Сондай-ақ олар асыл тұқымды малмен асылдандыру жұмыстарын жүргізіп, жылқыларды ұстауға кеткен шығындарды өтейтін болады. Бұл үшін бес жылға 701 млн теңге немесе жыл сайын 140,2 млн теңге бөлінеді

Inkar

Пікірлер

Кликните на изображение чтобы обновить код, если он неразборчив