Шығыстың кей аудандарында 40 градус ыстық болады

Қазгидромет мамандары 17, 18 және 19 маусым күндері ауа райы қандай болатынын болжады.

Республиканың басым бөлігінде солтүстік-батыс циклоны әсерінен тұрақсыз ауа райы қалыптасады: найзағай, жаңбыр, екпінді жел күтіледі, 18-19 маусымда солтүстік-батыста, солтүстікте жаңбыр жауады, бұршақ болуы мүмкін.

«Шығыста түнде ауа температурасы 12-23-тен 17-25 градусқа дейін көтеріледі, күндіз 27-35 градустан қатты ыстық 35-39 градусқа дейін көтеріледі, 19 маусымда жекелеген аудандарда ыстық 40 градусқа дейін жетеді», - делінген хабарламада.