Сограда оқушылар бүгін де онлайн оқып жатыр

Өскеменнің Согра шағын ауданында мектеп оқушылары бүгін де онлайн оқып жатыр, деп хабарлайды Bizdiң Өskemen.

Ата-аналар чатындағы хабарламада «қолайсыз метеожағдайға байланысты сабақ онлайн режимде болады» деп жазылған.

Еске салайық, 19 мамыр күні кешке аталмыш шағын аудандағы титан-магний комбинатының хлорлау қондырғысы құлап, түтін құбыры бітелген болатын. Соның салдарынан Соградағы мектептер қашықтықтан оқытатын болды. Бүгін белгілі болғандай, онлайн оқу әлі жалғасып жатыр.