Үкіметтік емес ұйымдардың есебі қабылданатын мерзім ұзарды

Үкіметтік емес ұйымдардың есебі биыл 1 қаңтардан бастап жаңа мекенжайға – «Еsep.govtec.kz» цифрлық платформасына автоматты түрде бағытталған. 

«Коммерциялық емес ұйымдар туралы» ҚР Заңына сәйкес Қазақстан Республикасы аумағында қызмет атқаратын коммерциялық емес ұйымдар жыл сайын 31 наурызға дейін өз қызметі туралым әліметтерді «ҮЕҰ Дерекқорына» ұсынады. 

Жаңа порталдағы эксплуатациялық жұмыстар себебінен болған техникалық ақауларға байланысты 13 қаңтар мен 18 ақпан аралығында «ҮЕҰ Дерекқорына» мәліметтерді қабылдау уақытша тоқтатылды.

Осыған орай техникалық ақаулар мен ақпараттық жүйедегі қателіктер актісі негізінде есептілік мерзімі 2025 жылдың  21 сәуіріне дейін ұзартылды.