Шығыстың бас шаһарында Наурыз мейрамына орай салт-дәстүрді, мәдениет пен тарихты ұлықтауға арналған 300-ден астам іс-шара өтеді, деп хабарлайды Bizdiң Өskemen.
Бір апта бойы облыс орталығының әрбір ауданында концерттер, мерекелік бағдарламалар, көрмелер және спорттық сайыстар ұйымдастырылады.
Республика алаңында бірқатар іс-шара өтеді.
14 наурыз – «Көрісу күні – Амал мерекесі»: сағат 12.00-де бас киіз үйде «Көрісу» рәсіміне арналған шара және мерекелік концерт.
15 наурыз – Қайырымдылық күні:
- сағ. 12.00-де бас киіз үйде – «Әндер» вокалды-аспаптық тобының қайырымдылық концерті.
- 15 наурыздан бастап «Қоржын» қайырымдылық акциясы өтеді.
16 наурыз – Шаңырақ күні:
- сағ. 12.00-де Бабкина Мельница ауданында – Наурыз мерекесіне арналған мерекелік шара.
- сағ. 12.00-де бас киіз үйде – «Қазақфильм» ұлттық киностудиясы фильмдерінің тегін көрсетілімі.
16-23 наурыз аралығында қаланың шағын аудандарында (Алтай, Меновное, Бабкина Мельница және т.б.) мерекелік бағдарламалар ұйымдастырылады.
17 наурыз – Мәдениет және ұлттық салт-дәстүр күні:
- сағ. 12.00-де бас киіз үйде – «МЫҢ БІР МАҚАЛ» атты зияткерлік викторина өтеді.
18 наурыз – Ұлттық киім күні:
- сағ. 12.00-де бас киіз үйде – «Әндер» вокалды-аспаптық тобының қатысуымен қайырымдылық концерт.
- Осы күннен бастап «Ұлттық киім күні» челленджі басталады.
20 наурыз – Ұлттық спорт күні:
- сағ. 11.00-де бас киіз үйде – ұлттық спорт түрлерінен жарыстар: асық ату, тоғызқұмалақ, бес тас, қазақша күрес.
22 наурыз – Ұлыстың ұлы күні:
- сағ. 11.00-ден 14.00-ге дейін – қала мен облыс әртістері және қазақстандық эстрада жұлдыздарының қатысуымен концерттік бағдарлама, «бауырсақ пати» байқауы, караоке, спорттық ойындар, садақ ату, тақырыптық алаңдар, цирк өнері, «Үздік киіз үй» байқауы, мерекелік сауда, сәндік-қолданбалы өнер жәрмеңкесі.
- сағ. 18.00-21.00 аралығында – Қазақстан эстрада жұлдыздарының қатысуымен кешкі бағдарлама.
- сағ. 21.00-де – мерекелік отшашу.