Өскеменде үш жасөспірім оқушыны соққыға жықты

Үш жасөспірім 9 шілде күні түстен кейін оқушыны соққыға жыққан. Оқиға Өскемендегі ADK River сауда ойын-сауық  орталығының  маңында болған. Қыздың миы шайқалып, беті талқандалған, деп хабарлайды Bizdiң Өskemen.

Оқиға сол күні 17:00 мен 18:00 аралығында болған. Жәбірленушінің анасының айтуынша, 13-14 жас аралығындағы үш жасөспірім алдымен қызды мазақ қылып, содан кейін оған жұдырықпен шабуыл жасаған. 

– Куәгерлердің айтуынша, менің қызымның шаш қиюын ұнатпаған. Олар оның беті мен басынан ұрып, көзілдірігін сындырған. Әйнек сынықтары бет терісін талқандаған. Шабуылдан кейін олар қашып кеткен. Сол маңдағы ересектер "жедел жәрдем" шақырып, қызды нейрохирургияға «мидың шайқалуы» диагнозымен жеткізді. Оның қабағына тігістер қойылды-енді бетінде тыртық қалады, – деді әйел әлеуметтік желіде.

ШҚО полиция департаментінің баспасөз қызметі оқиғаның барлық қатысушыларының жеке басы анықталғанын, қылмыстық іс қозғалғанын хабарлады.

– Жеке құрамға бағдарлау жүргізілді, куәгерлерден сұхбат алынды, бейнебақылау камераларының жазбалары зерделенді. Жасөспірімдер ата-аналарымен бірге полиция бөліміне жеткізілді. Қылмыстық іс қозғалды. Сондай-ақ, әкімдік жанындағы кәмелетке толмағандар істері жөніндегі комиссияға тиісті ұсыныс жолданды, – деді ШҚО полиция департаментінің баспасөзі. 

Сондай-ақ, ШҚО ПД тергеу барысында барлық қатысушылардың іс-әрекеттеріне құқықтық баға берілетінін, ал шабуылдаушылардың ата-аналары балаларды тәрбиелеу жөніндегі міндеттерді тиісінше орындамағаны үшін жазаланатынын айтты.