Қалихан Ысқақтың қызы халыққа ризашылығын білдірді

Катонқарағай ауданында өткен «Төр Алтай Қалиханын және Дидахметін жырлайды» атты республикалық поэзия фестивалінде жазушы Қалихан Ысқақтың қызы Самал Ысқақова халықтың ықыласына ризашылығын білдірді.

Рухани іс-шарада Самал Ысқақова әкесінің құрметіне ұйымдастырылған кешке қатысып, жүрекжарды лебізін жеткізді.

– Бұл кеш тек мен үшін емес, бүкіл ел үшін мәртебелі оқиға. Әкемнің есімін ұлықтап, шығармашылығын бағалап жатқандарыңызға зор алғыс, – деді ол көз жасына ерік беріп.

 Оның жан тебірентер сөздері жиналған жұртты толқытты. Қалихан Ысқақтың рухани мұрасын қадір тұтқан ақындар мен қаламгерлер бұл кештен ерекше әсер алды.