Зайсанда әуежай салынып жатыр
Зайсанда әуежай құрылысы басталды, деп хабарлайды Bizdiң Өskemen.
Көлік министрлігінің мәлімдеуінше, әуежай Зайсан қаласынан 25 шақырым жерде, Сәтбай ауылының маңындағы бұрынғы әскери әуеайлақ базасында, салынады.
«184,5 га жер учаскесі географиялық және метеожағдайларды, сондай-ақ логистикалық қол жетімділікті ескере отырып таңдалды», - делінген ақпаратта.
Жоба бойынша ұшу-қону жолағының ұзындығы 2,2 мың метр болады. Бұл жолақпен Bombardier Q400, ATR-72 секілді заманауи ұшақтар қатынай алады. Кейінірек жолақты кеңейтуге де болады.
