Шығыстың бас шаһарында той-думан басталды

Өскемен орталығы - Республика алаңында Ұлыстың ұлы күніне арналған мерекелік шара басталды, деп хабарлайды Bizdiң Өskemen.

Орталық алаңдағы ақшаңқан киіз үйлер қалалықтардың көзайымына айналды. Киіз үй айналасында көшпенді өмірдің көрінісі салтанат құрған. Тау тұлғалы батырлардың қасына тұрып, қолына қыран құс қондырып суретке түскен балалар мен жасөспірімдер мәре-сәре күйде.

Сондай-ақ алаңның бір жағында спорттық сайыстар, енді бір жағында сауда-саттық қызып жатыр.

Бас киіз үйге қарама-қарсы  құрылған сахнада өңірге танымал өнерпаздар ғана емес қазақ эстрадасының жұлдыздары ән шырқап, көрерменді қуанышқа бөлеуде.