Австриялық туристер Үлкен Нарында көкпар тамашалады

Наурыз мерекесі аясындағы Ынтымақ күні – екі ел арасындағы мәдени байланысты нығайту және туристік саладағы ынтымақтастықты дамытуға дәнекер болды. Австриядан келген туристер ұлттық спорттың көрнекі түрі - көкпар жарысын  тамашалап, ерекше әсер алды және жергілікті тұрғындардың қонақжайлығына қайран қалды. Орталық Азияны аралап жүрген туристер Қазақстанның әсем табиғатына, мәдениетіне қатты қызыққандарын айтты.

Туристер Ұлттық ат спорты Көкпар жарысының қадірлі қонақтары болып, ауданның бай мәдениеті мен табиғатымен танысты. Бұл сапар австриялық қонақтар үшін ұмытылмас әсер қалдырғаны анық. Олар Қазақстанның ұлттық спорт түрі Көкпарды тамашалап, ат спортының қызықты тартысынан ләззат алды.

 
Сонымен қатар, туристер Наурыз мерекесінің мәдени атмосферасын сезініп, ұлттық тағамдардан дәм татып, өзара достық қарым-қатынасты нығайтты. Австриялық туристер Қазақстан халқын Наурыз мерекесімен құттықтап, өздерінің алғыстарын білдірді.

Австриядан келген туристер бұл сапардың өздерінің көкжиектерін кеңейтіп, Қазақстанның қонақжайлылығын терең түсінуге мүмкіндік бергенін атап өтті.