Көпір мен жол жөнделеді. Өскемен әкімі Защита ауданына барды

Өскемен әкімі Алмат Ақышов Защита ауданының тұрғындарымен кездесті, деп хабарлайды Bizdiң Өskemen.

Тұрғындар көтерген басты мәселенің бірі – жол. Бұл шағын ауданда жөндеуді қажет ететін жолдар көп екенін қала әкімі де атап өтті. Биыл мұндағы Кузнецов көшесінің екі учаскесіне орташа жөндеу жүргізіледі.

Сондай-ақ тұрғындардың мазалаған мәселенің бірі Бажов көшесіне алып шығатын көпірдің жай-күйі. Көпірдің көлік жүретін бөлігі де, қапталындағы тротуар да тозған көрінеді.

– Көпірдің жағдайын қарап көріңіздер. Қажет болса арнайы мамандарды тартып, зерттеу жүргізіңіздер. Шұңқырларды жөндегенмен мәселе шешілмейтін болса жоспарға енгізіңіздер, бәлкім келер жылы, толық жөндеу жұмыстарын жүргізейік, – деп тапсырма берді Өскемен әкімі ТҮКШ бөліміне.