Өскемендіктер бас киіз үйде Амал күнін атап өтті

Өскеменде Наурыз думаны басталып кетті. Облыс орталығының халқы Амал күнін атап үшін бас киіз үйге жиналды.

Амал күні – әз-Наурыздың бастауы. Амал келгенде амандық білісу — көне заманнан жалғасқан айрықша дәстүріміз. Қыстан шығып, шуақты көктемге аман жеткен ағайын осы күні бір-бірімен көріседі. Шығыс өңірі әлі де қар жамылып жатқанымен, жұртшылықтың көңіліне көктем келіп қойғандай. Ұлы думанды өскемендіктер ерекше көңіл күймен бастады.

Бұрын соңды мұндай үлкен киіз үй тігілгенін көрмеппін. Наурыз мейрамы жыл сайын ерекше тойланып келеді. Біз соған қуанамыз. Жасыратыны жоқ, бұрын өзге өңірлердегі мерекелік шараларға қызыға қарайтынбыз. Қазір Шығыс халқы да Наурызды керемет тойлайтын болды, – дейді қала тұрғыны Замира Бақытбек.

Бас киіз үйдегі мерекелік шара он күнге  ұласатын думанның басы ғана.