“Ақбауыр” және “Аблайкит” кешендеріне қонақүй салу жоспарланған

Этнотуризм Ұлан ауданының ерекше брендіне айналып келеді.

Бозанбай ауылында этноүйлер туристерді қарсы ала бастады. Қонақтар дәстүрлі қазақ тұрмысымен танысып, ұлттық тағамдардан дәм татып, қолөнер шеберлігін көре алады.

2025 жылға қарай «Ақбауыр» және «Аблайкит» тарихи кешендерінде қонақүйлер мен этно-киіз үйлердің құрылысы жоспарланған. Табиғи және мәдени нысандарға, демалыс базалары мен көл жағажайларына апаратын жолдарды абаттандыру жалғасады.

Қысқы туризмді дамыту да маңызды бағыттардың бірі. Шалқар көлінде екі дәретхана мен үш жылы киіз үй орнату жоспарлануда.