"Түтін емес бу шығып жатыр" "- "Казцинктің" бас экологы

Әлеуметтік желіде «Қазцинк» зауытында апат болды деген бейнежазба тараған болатын. Мамандар бұл ақпараттың шындыққа жанаспайтындығын мәлімдеді.

Тұрғындардың шағымынан  кейін БАҚ өкілдері, экологтар және метеорологтар «Казцинк» ЖШС өндірістік алаңына арнайы рейд ұйымдастырды.

Тексеру барысында «Казцинк» ЖШС-нің бас экологы Қазтай Тәкеев инспекция мүшелеріне өндірістік газдарды тазартатын «Lavalin» қондырғысын көрсетті. Мамандардың айтуынша, бұл атмосфераға таралатын зиянды қалдықтар емес, технологиялық процесс барысында суды салқындату үшін қолданылатын градирнялардан бөлінетін бу ғана.