Өскемен: «ақылды» автобустар жолға шықты

Өскемендегі жолаушы тасымалдайтын компанияның бірі – «Марат-М» ЖШС Daewoo маркалы бес ақылды автобус алды. Жаңа көліктер № 43а, 32, 26 бағыттарға шығады.

«Ақылды» автобустарды өңір басшысы Нұрымбет Сақтағанов пен Өскемен әкімі Алмат Ақышов көрді.

– Мәселен, есіктердің бірі ашық болса автобус қозғалмайды. Бәрі жабылмайынша, солай тұра береді. Жаңа көліктерде жылыту жүйесі мен ауа баптайтын жабдық бар. Бейнекамера де бар. Егер жүргізуші есіней бастаса, ұйықтай бастаса немесе кабинада темекі шегетін болса құрылғы бірден сигнал арқылы хабар береді. Көлікке 8 бейнебақылау камерасы орнатылған, – деді «Марат-М» ЖШС директоры Архат Әлиқанов.

Жыл соңына дейін 30-ға жуық «ақылды» автобус сатып алу жоспарланған.