Тарбағатайда Ұлттық киімдер шеруі өтті

Наурызнама онкүндігі аясында Тарбағатай ауданында ұлттық киімдер шеруі өтті.

Шараға аудан тұрғындары, мемлекеттік қызметкерлер, мекеме қызметкерлері және жастар белсенді түрде қатысып, 400-ден астам адам қазақтың бай мұрасын дәріптеді.

Ұлттық киім – ата-бабамыздан қалған асыл мұра, рухани байлығымыз. Киім үлгілеріндегі ою-өрнектер, зергерлік бұйымдар мен ұлттық нақыштар – қазақ халқының өзіндік болмысын, дәстүрін, мәдениетін айшықтайды.

“Осындай игі шаралар арқылы ұлттық құндылықтарды насихаттап, болашақ ұрпаққа мирас ету – баршамыздың ортақ міндетіміз”, - дейді аудан тұрғындары.