ШҚО-да нан қымбаттады ма?

Нан бағасының қымбаттауы ең алдымен, бірінші сұрыпты бидай ұнын сатып алу құнының ауытқуымен байланысты болады. Бәсекелестікті қорғау және дамыту агенттігінің Шығыс Қазақстан облысы бойынша департаментінің мәліметінше ШҚО-да нан бағасы қымбаттамаған, деп хабарлайды Bizdiң Өskemen. 

Қазақстан Республикасы Бәсекелестікті қорғау және дамыту агенттігінің Шығыс Қазақстан облысы бойынша департаменті 2025 жылғы сәуір айының басында, 2023-2024 жылдар кезеңінде және 2025 жылғы қаңтарда Шығыс Қазақстан облысының аумағында жоғары және бірінші сұрыпты ұннан жасалған нанды көтерме саудада өткізудің тауар нарығына жоспардан тыс талдау жасады. 

Қазақстан Республикасы Стратегиялық жоспарлау және реформалар агенттігінің ұлттық статистика бюросының ресми сайтының деректеріне сәйкес, көрсетілген кезеңде бірінші сұрыпты бидай ұнынан жасалған нан бағасында өсу тіркелмеген. 

– 2023 жылғы қаңтар мен қазан аралығында бір кг үшін нанның бағасы 199 теңгені құрады, қарашада 203 теңгеге дейін (+2%) өсті, 2024 жылғы желтоқсаннан наурызға дейін баға 195 теңгені (-4%) құрады және 2024 жылғы сәуірден 2025 жылғы қаңтарға дейін 198 теңге (+1,5%) деңгейінде ұсталды% ) кг үшін, – деп хабарладыБәсекелестікті қорғау және дамыту агенттігінің Шығыс Қазақстан облысы бойынша департаменті. 

ШҚО нарық субъектілері ұсынған деректерді талдау нан бағасының қалыптасуы бірқатар факторларға, соның ішінде бір орамның салмағына, сатып алынатын ұнның құнына, коммуналдық шығындарға және басқа шығындарға байланысты екенін көрсеткен.