Өскемендіктер бұлақ көзін ашты

“Наурызнама” онкүндігі “Тазару күнімен”түйінделеді. Осыған орай Өскеменде ауқымды экологиялық акция өтті.

Наурыздағы игі дәстүрдің бірі – бұлақ көзін ашу. Жерге нәр беретін бұлақтар көктемнің келуі мен табиғаттың жаңаруын бейнелейді. Биыл Өскемен тұрғындары осы ежелгі дәстүрді қолдап, табиғи су көздері мен олардың маңын тазалау жұмыстарын ұйымдастырды. Акция “Бұлақ көзін ашу” деп аталды.

Наурыз мейрамы ежелден табиғи тазалық идеясын насихаттайды. Бұл мерекенің рухы адамның қоршаған ортамен үйлесімділігін білдіреді, өйткені Наурыз – қыстан көктемге өту, табиғаттың жаңарып, қайта түлеу кезеңі.