ШҚО-да кеме қатынасы жанданады

Бұл мәселе облыс әкімдігінде талқыланды,  деп хабарлайды Bizdiң Өskemen.

Өңір басшысы Нұрымбет Сақтағанов атап өткендей, Мемлекет басшысы Ұлттық құрылтайда жүктеген маңызды міндеттердің бірі – көлік-логистика саласын дамыту. Президент тапсырмасы бойынша Зайсан мен Катонқарағайда әуежай салынатыны белгілі.

Облыс әкімі енді Ертіс өзенінде кеме қатынасын қайта жандандыру мәселесін көтерді. Бұл бірқатар ауданның транзиттік айналымға ілесіп, жүк және жолаушы тасымалдау ісін оңтайландыруына мүмкіндік береді.

Кеме қатынасы шағын және орта бизнестің, туризмнің және экономиканың басқа да салаларының дамуына серпін береді.