Өскеменде үш қаламгер Жазушылар одағының мүшелігіне өтті

Өскемендік үш қаламгер ҚР Жазушылар одағына мүшелікке қабылданды.

Одақтың басқарма төрағасы Мереке Құлкенов Өскемен қаласындағы А. С Пушкин атындағы кітапханада Талғат Қашқынбаев, Оразай Жеңісұлы және Естай Жаңабайға мүшелік билеттерін тапсырды. 

Қазір Қазақстан Жазушылар одағы ШҚО филиалының құрамында 24 қаламгер тіркелген. Міне, олардың қатары жаңа буынмен толығып отыр. 

Сондай-ақ іс-шара аясында жазушы, Қазақстан Жазушылар одағы облыстық филиалының төрағасы Әлібек Қаңтарбаев қаламгерлерге шығармашылық табыс тілеп, әдебиетке өміршең туындылар қосатынына сенім білдірді.