ШҚО делегациясы ШЫҰ-ның цифрлық экономика форумына қатысып жатыр
15 қыркүйекте Үрімжі қаласында Шанхай ынтымақтастық ұйымының Цифрлық экономика форумы – 2026 халықаралық деңгейде өз жұмысын бастады.
Іс-шараға шамамен 500 қатысушы, оның ішінде 200-ден астам шетелдік делегат – мемлекеттік органдардың, бизнестің, жоғары оқу орындарының, сарапшылар және IT-қоғамдастық өкілдері қатысып жатыр.
Форум жұмысына Шығыс Қазақстан облысының делегациясы да қатысуда.
Делегация құрамына университеттер мен колледждердің өкілдері, креативті индустрия өкілдері, кәсіпкерлер, сондай-ақ IT және заманауи технологиялар саласында жұмыс істейтін мамандар мен компаниялар кірді.
Форумның негізгі тақырыптары – цифрландыру, жасанды интеллект, цифрлық сауда және халықаралық технологиялық ынтымақтастық.
«Шығыс Қазақстан үшін мұндай халықаралық алаңға қатысу – халықаралық байланыстарды кеңейтуге, жаңа серіктестер табуға және технология, білім беру, туризм мен кәсіпкерлік салаларындағы бірлескен жобаларды жүзеге асыруға мүмкіндік береді» – дейді делегация жетекшісі, туризмді дамыту кеңесінің төрағасы, халықаралық қатынастар бойынша кеңесші Сымбат Рамазанов.
Екі күн бойы Шығыс Қазақстан облысының делегаттары форум жұмысына, іскерлік кездесулерге және тәжірибе алмасуға қатысады.
