ШҚО-да тұмауға қарсы екпе науқаны 15 қыркүйекте басталады

15 қыркүйекте облыс аумағында тұмауға қарсы екпе науқаны басталады, деп хабарлайды Bizdiң Өskemen.

Облыстық санитариялық-эпидемиологиялық бақылау департаментінің мәліметінше, ШҚО-да жергілікті бюджет қаражаты есебінен тұмауға қарсы вакцинаның 75 мың дозасын сатып алу көзделген. Вакцинаны облысқа жеткізу 14 қыркүйекке жоспарланған.

– Екпе науқаны 15 қыркүйекте басталып, 1 қарашаға дейін жалғасады, – деп хабарлады облыстық санитариялық-эпидемиологиялық бақылау департаменті.

Тегін вакцинацияны жүкті әйелдер, медицина қызметкерлері, балалар, созылмалы аурулары бар адамдар және 60 жастан асқан азаматтар ала алады. Ол үшін тіркелген жері бойынша медициналық ұйымдарға жүгіну қажет.

Қалған азаматтар екпені өз қаражаты немесе жұмыс берушінің қаражаты есебінен ала алады.