Өскеменде гематология орталығының құрылысы биыл аяқталады

Өскемендегі гематология орталығын осы жазда пайдалануға беру жоспарланып отыр. Бұл орталық бірегей медициналық мекеме ретінде ашылып, Шығыс Қазақстан облысында медициналық туризмді дамытуға серпін береді деп жоспарланған, деп хабарлайды Bizdiң Өskemen.      

Жаңа орталықта жұлын майын трансплантациялау, сондай-ақ күрделі генетикалық зерттеулер жүргізу көзделіп отыр.

Құрылыстың аяқталу мерзімі туралы ШҚО құрылыс, сәулет және қала құрылысы басқармасы басшысының орынбасары Ерназ Мұқатаев мәлімдеді.

– Гематология орталығында негізгі құрылыс жұмыстары аяқталған, қазір аумақты абаттандыру және көгалдандыру жұмыстары жүргізіліп жатыр. Сонымен қатар медициналық жабдықтар мен жиһаздар орнатылып жатыр. Нысанды тапсыру шілде айына жоспарланған. Одан кейін орталық денсаулық сақтау басқармасының теңгеріміне беріліп, ашылу күні белгіленеді, – деді Ерназ Мұқатаев.

Сондай-ақ орталықта жұмыс істейтін мамандарды даярлау республикалық және шетелдік клиникалар базасында жүргізіліп жатыр.