Алтай ауданында жаңа қазақ мектебі ашылды - ШҚО

Алтай ауданындағы Жаңа Бұқтырма кентінде 200 оқушыға арналған мектеп ашылды, деп хабарлайды Bizdiң Өskemen.

Төрт мыңнан астам тұрғыны бар Жаңа Бұқтырмада туризм мен инженерлік инфрақұрылым қарқынды дамып келеді. Бүгін кентте жалпы ауданы 10775 шаршы метр болатын, мемлекеттік тілде білім беретін №2 орта мектеп ашылды. Салтанатты іс-шараға ауданға жұмыс сапарымен барған облыс әкімі Нұрымбет Сақтағанов қатысып, жаңа білім мекемесінің маңызына тоқталды.

- Мемлекет басшысы білім деңгейі бүкіл ел бойынша тең болуы тиіс екенін және әрбір баланың заманауи және жайлы жағдайда оқуы үшін бар мүмкіндіктер жасалуы тиіс екенін атап өтті. Ал бұл жаңа, заманауи мектеп – ұрпақты тәрбиелеу мен сапалы білім беру жолындағы үлкен қадам. Осы білім ошағында еліміздің болашағын қалыптастыратын саналы, білімді де білікті азаматтар түлеп ұшатынына сенімдіміз, - деді Нұрымбет Сақтағанов.

Оқу жағдайын жақсарту және оқу орындарының тапшылығын азайту мақсатында өткен жылы облыста 10 жаңа мектеп салынды. Олардың жетеуі пайдалануға берілді, екеуі Тарбағатай ауданында оффшорлық келісім-шарттар бойынша салынды. Биыл тағы 13 мектеп салу жоспарланып отыр.

Бүгінде Жаңа Бұқтырмада 114 оқушы білім алады, мектепке дейінгі мекемелерде 129 бала бар, олардың 33-і биыл 1-сыныпқа барады.

Шара соңында жаңа мектеп аумағына көшет егілді.