Өскеменде жәрмеңке өтеді

26 қыркүйек күні Өскеменде кезекті ауыл шаруашылығы жәрмеңкесі өтеді, деп хабарлайды Bizdiң Өskemen.    

26 қыркүйек сағат 08:00-де «Алтай» көтерме-бөлшек сауда орталығы аумағында (Жібек Жолы көшесі, 44) Зайсан ауданының ауыл шаруашылығы өнімдерінің жәрмеңкесі өткізіледі.

Сондай-ақ ұлттық спорт түрлерінен сайыстар және мәдени-танымдық іс-шаралар ұйымдастырылады.

«Дос-Нар» сауда үйінде (Виноградов көшесі, 17а) өтетін ауыл шаруашылығы жәрмеңкесінде жергілікті тауар өндірушілер өнімдері ұсынылады.