Өскемен-Алматы тас жолында салмағы 2 келіге жуық мефедрон тәркіленді
Өскемен-Алматы тас жолында есірткі тәркіленді деп хабарлайды, Bizdiң Өskemen тілшісі.
Тәртіп сақшылары жолда Toyota Land Cruiser көлігін тоқтатқан. Көлікті 26 жастағы Алматылық тұрғын тізгіндеген.
«Тергеушілер көлікті тінту барысында 4 дана ақ түсті ұнтақ заты бар полимерлі қапшықтарды тауып, тәркіледі. Сонымен қатар жүк салғышынан осыған ұқсас тағы 15 пакет табылды», — деп хабарлады ШҚО ІІД.
Сараптамалық нәтиже бойынша, бұл жалпы салмағы 1 келі 850 грамм болатын мефедрон екені дәлелденді. Күдікті жауап алу кезінде есірткіні Астана мен Павлодарда да таратқанын жеткізді.
