Тоғас көшесінде жол апатынан кейін жарық қосылды

Тоғас көшесінде болған жол-көлік оқиғасынан кейін жарықтандыру қалпына келтірілді, деп хабарлайды Bizdiң Өskemen.

Естеріңізге сала кетейік, 24 шілде күні кешкі уақытта Тоғас көшесінде жаяу жүргінші өткелімен өтіп бара жатқан 11 жастағы баланы көлік қағып кетті. Зардап шеккен жасөспірім шұғыл түрде ауруханаға жеткізілді. Қазіргі уақытта баланың жағдайы ауыр. 

Куәгерлердің айтуынша, кеше Тоғас көшесінің бойында оқиға орын алған кезде көше шамдары жанбаған. Қала әкімдігі бұл ақпаратты растады. 

– Оқиға орын алған кезде трансформаторлық қосалқы станцияда өрт шығып, салдарынан жарық беру жүйесі уақытша істен шыққан. Қазіргі уақытта жарықтандыру қалпына келтірілді, сыртқы жарықтандыру жүйесі қалыпты режимде жұмыс істеп тұр, – деп хабарлады қала әкімінің баспасөз қызметі.

Айта кетейік, аталған жағдай әкімдіктің ерекше бақылауында.